A Noite da Enxeñaría en Informática de Galicia
| 18:30 H. | Control de Acceso. |
| 19:00 H. | Cóctel de benvida. |
| 21:00 H. | Acto de entrega dos premios do CPEIG, presentado polo imitador e humorista Fede de Juan. |
| 22:00 H. | Cea de gala. |
| 00:00 H. | Barra libre e DJ. |
Esta distinción foi ex aequo para o ecosistema empresarial Ipglobal Tech Hub e a app Cluber de dixitalización de clubes deportivos, ambas con sede na Coruña:
Ipglobal Tech Hub participou desde 2015 en máis de 12 empresas, xerando máis de 300 postos de traballo de maneira directa e alcanzando unha facturación acumulada superior aos 22 millóns de euros o pasado ano.
A aplicación de Cluber, firma que forma parte do ecosistema de Ipglobal Tech Hub, dixitaliza a máis de 1.000 clubes en toda España, con máis de 700.000 deportistas usuarios.
A enxeñeira informática Cristina Vázquez, recibe esta distinción polo seu liderado ao fronte de TEIMAS (CEO da compañía), empresa punteira galega na aplicación da tecnoloxía á xestión de residuos, co seu correspondente impacto positivo na sustentabilidade, na concienciación medioambiental e na exportación de coñecementos e servizos de Galicia cara o mundo.
A distinción recaeu en Olaia Vázquez, responsable da área de Datos Global en Inditex, pola súa sobresaínte carreira na “que demostrou un compromiso excepcional coa excelencia e a innovación durante máis de dúas décadas de servizo no sector tecnolóxico”.
Centro Singular de Investigación en Tecnoloxías Intelixentes da Universidade de Santiago de Compostela (CiTIUS) pola organización da ECAI 2024 (European Conference on Artificial Intelligence), un dos eventos máis importantes do mundo en intelixencia artificial que se celebrará en Santiago de Compostela do 19 ao 23 de outubro de 2024, convertendo a cidade e Galicia nas capitais mundiais da intelixencia artificial.
Tarlogic, empresa de referencia en ciberseguridade que presta servizo a gran parte das empresas cotizadas do país e a grandes compañías en Europa, Estados unidos e Oriente Medio, recibe esta distinción. Foi fundada en 2011 nun pequeno local de Teo e actualmente conta cun equipo de 130 persoas nas súas sedes de Santiago e Madrid
O galardón concédese a Denodo, líder mundial en virtualización de datos, nacido como un proxecto de investigación na Universidade da Coruña. Con sede en Palo Alto (California), ten presenza no mercado a nivel mundial a través de 30 oficinas establecidas nos principais núcleos empresariais, con tres centros técnicos globais situados en India, na Unión Europea e en EE.UU., e cun equipo directivo diverso e distribuído xeograficamente por todo o mundo.
O recoñecemento foi para FIRST® LEGO® League España, programa educativo para fomentar vocacións tecnolóxicas entre os máis novos. Mediante experiencias de aprendizaxe baseadas en programación e robótica educativa, os máis novos traballan por equipos. A través do desenvolvemento dun proxecto de innovación e a construción e deseño dun robot, o programa busca recoñecer o esforzo e os logros dos máis pequenos nas áreas STEM.
Grupo Nueva Pescanova é a compañía distinguida nesta categoría pola integración da plataforma IBM Food Trust, que garante a trazabilidade dos produtos do mar.
A distición recaeu no Centro de Estudos de Seguridade (CESEG), un centro mixto de investigación da Universidade de Santiago de Compostela (USC) e do Ministerio de Defensa do Goberno de España, polo seu traballo investigador sobre a manipulación informativa.
Cruz Roja, Alexa e Amazon Web Services reciben esta distinción pola súa colaboración en diversos proxectos que contribúen a reducir o illamento e a soidade non desexada das persoas.
Esta distinción concédese a Asociación Europea para a Transición Digital pola súa proposta do ‘Pacto de Estado para protexer aos menores de idade en internet e redes sociais’
O recoñecemento recaeu na matemática e directora do Observatorio Nacional de Tecnología y Sociedad (ONTSI), Rosa Díaz Moles, pola súa sólida experiencia no sector TIC, con máis de 20 anos de traxectoria tanto no ámbito privado como no sector público estatal.
O gañador foi Manuel Framil polo desenvolvemento dunha ferramenta que mellora a produtividade á hora de traballar con tecnoloxías serverless ou de computación sen servidor. Os finalistas foron Adrián Xuíz, pola ferramenta VirManDC de monitorización de centros de datos mediante tecnoloxía holográfica, e Diego Ramil, que creou unha aplicación para extraer información do videoxogo Temtem e visualizalo a través dun mapa interactivo.
Ednon e Fortinet, compañías tecnolóxicas distinguidas con este recoñecemento polo seu apoio continuado á NOITE da Enxeñaría en Informática de Galicia.
Recibe a distinción a Xunta de Galicia pola integración da intelixencia artificial (IA) na Administración Autonómica galega.
O Hotel Oca Puerta del Camino é un aloxamento de catro estrelas situado fronte ao Palacio de Congresos de Santiago de Compostela, na área de negocios da cidade en San Lázaro e a escasos tres quilómetros a pé da Catedral de Santiago. As súas amplas e elegantes instalacións e a súa posición estratéxica na cidade convérteno nun hotel ideal para a celebración de eventos. En concreto, dous espazos sérvennos de escenario para a Noite da Enxeñaría en Informática de Galicia: a terraza para o cóctel e un salón de gran capacidade para a cea de gala.
